Dia 12 di febrüari 1922 Sùrnan di e kongregrashon “Fransiscanessen van Roosendaal” a habri Hòspital San Fransisco na Boneiru. Nan a kumpra e kas den kua a pone e hòspital aki serka e komersiante lokal Richard Muskus.
Na 1944 e sùrnan aki, ku un forskòt sin interes risibí di gobièrnu, a traha un hòspital kompletamente nobo, ku a ser habrí ofisialmente dia 21 di yüni 1944. E hòspital no tabata risibí supsidio di gobièrnu.
Na 1952 e direktora di Hòspital San Fransisco tabata Sùr M. Tecla. Tabatin un personal di 3 enfermera religioso (sùr) i 7 empleado lokal. Tabatin 24 kama di hende grandi i 26 kama di mucha.
Bron: Boi Antoin